«Білім алушылардың біліміндегі олқылықтардың орнын толықтыру – оқу сапасын арттыру кепілі» тақырыбында вебинар өткізді.

5 қараша күні №17 жалпы орта білім беретін мектеп-гимназиясы жетекші мектеп ретінде №6 ЖОББМ, №11 ЖОББМ серіктес мектептерге «Білім алушылардың біліміндегі олқылықтардың орнын толықтыру – оқу сапасын арттыру кепілі» тақырыбында вебинар өткізді. Вебинарды №17 ЖОББМГ директордың оқу ісі жөніндегі орынбасары Л.Ж.Иманбекова ашып, олқылықтарды жою мәселесі ең өзекті екенін айтып өтті. Вебинар тақырыбы бойынша жетекші мектептің биология пәнінің мұғалімі А.М.Турарова білімдегі олқылықтарды жоюдағы тәжірибесімен бөлісті. Биология пәнінен олқылықтарды жою жоспарының үлгісімен таныстырып, оқушылардың біліміне мониторинг жүргізіп, жұмысты тиімді ұйымдастыру жолдарын ұсынды. Математика пәнінің мұғалімі Г.П.Козыбахова «Интербелсенді әдістерді сабақта пайдалану арқылы білім сапасын арттыру» тақырыбында іс-тәжирбесімен бөлісіп, тыңдаушылардың назарына бейне сабақтарын ұсынды. Вебинар соңында жетекші мектептің үйлестірушісі Н.У. Каймалакова серіктес мектеп мұғалімдерімен жүргізілетін жылдық жоспарымен таныстырып, ұстаздардың кәсіби қажеттіліктерін диалог арқылы анықтады. Вебинарға №6, №11 серіктес мектептердің 30 мүғалімі қатысты.