«Оқыту тәжірибесін жетілдірудегі мектеп педагогтерінің аналитикалық құзыреттілігі»

Иван Трубицын атындағы №17 жалпы орта білім беретін мектеп-гимназиясында «Оқыту тәжірибесін жетілдірудегі мектеп педагогтерінің аналитикалық құзыреттілігі» тақырыбында семинар ұйымдастырылды. Семинардың  мақсаты: оқыту тәжірибесін жетілдіру үшін мектеп педагогінің аналитикалық құзыреттілігін дамыту. Міндеті: пән бойынша оқу сапасының деңгейін анықтау, деректерді талдау, оқыту тәжірибесін жетілдіру. Семинарда қазақ тілі мен әдебиеті пәні мұғалімі Абдраманова Гулпан Бейсенқызы өз іс-тәжірибесімен бөлісті. Ұстаздарға аналитикалық құзіреттілік туралы жалпы түсініктер беріліп, аналитикалық талдауды дұрыс жүргізу жолдары туралы айтылды. Сонымен  қатар, білім берудегі аналитика – мектептің білім беру жүйесінің жай-күйі туралы ақпарат алу және оның одан әрі дамуын болжау мақсатында білім беру деректерін жинау, талдау және жинақтап қорытудың интеллектуалдық процесі. Педагогикалық ұжымға БЖБ және ТЖБ жұмыстарына  Microsoft  Office  Excel-де және Microsoft Power BI бағдарламасында жасалған аналитикалық талдау үлгілері таныстырылып, үйретілді.