27 октябрь 2022 0 1 2 3 4 5 «Жаңартылған білім беру мазмұны бойынша қазақ тілі пәнінен оқу тапсырмаларын дайындау» Мектебімізде қазан айының 21- і күні қазақ тілі мен әдебиеті пәні мұғалімдері Н. М. Бектіғұлова мен Г. Б. Жанибекова «Жаңартылған білім беру мазмұны бойынша қазақ тілі пәнінен оқу тапсырмаларын дайындау» тақырыбында семинар өткізді. Мақсаты: қазақ тілі мен әдебиеті сабағында оқушылардың тілдік дағдыларын дамытудың белсенді әдіс-тәсілдерін қолдану жолдары. Семинар барысында тілдік дағдылардың ерекшеліктері түсіндіріліп, оқу мақсаттарына сай тілдік дағды түрлерін қалай қолдану керектігі және дағдыларға сәйкес тапсырмалар құрастыру, орындау жолдары көрсетілді. Сонымен қатар оқушылардың функционалдық сауаттылығын қалыптастырудың жолдары, белсенді әдіс-тәсілдердің түрлері көрсетілді. Сабақ барысында дағдыларды дамытуға байланысты тапсырма түрлері 3D кітабына жинақталып, оқытудың жаңа форматына негізделген түрде ұсынылды. Тәжірибеге бағытталған семинар жоғары деңгейде өтіп, функционалдық сауаттылыққа қатысты жаңаша идеялар мен өзекті тақырыптарды қамтуы қатысушы мұғалімдердің қызығушылығын оятты.
