Қазақстан Республикасының Тәуелсіздігіне 30 жыл толуына байланысты

Ұлттық мәдениетіміздің бір тармағы ата-баба мұраларынан сыр шертетін, олардың қалдырған өнегесін кейінгі ұрпаққа танытар тарихи-мәдени ескерткіштер екені бәрімізге мәлім. Қазақстан Республикасының Тәуелсіздіктің 30 жылдығына орай "Жәдігерлер сыр шертеді"  атты тақырыбында Иван Трубицын атындағы №17 жалпы орта білім беретін мектеп-гимназиясының тарих пәні мұғалімдері Меркі ауданында орналасқан тарихи жәдігерлер мен ескерткіштерді бейнесаяхат арқылы таныстырды. Қырғыз Алатауы бөктерінде орналасқан Меркі жерінің тарихы сонау түркі замандарынан бастау алатындығын дәлелдейтін, тарихынан сыр шертетін балбал тастар, петроглифтер, ерте темір дәуірінің обалары, VII ғасырда пайда болған Меркі қалашығының орны және атақты Аспара қалашығы, Сыпатай батыр кесенесі туралы тарихшы ұстаздар баяндады. Аудандық маслихат депутаты Сейсенбаев Нұрлан Еренсізұлы "Жәдігерлер сыр шертеді" бейнебаянын мектебіміздің оқушыларымен бірге тамашалады. 
Тарихи жәдігерлер қашанда келер ұрпаққа қызмет етуі тиіс екенін ескере отырып, сан мың жылдық тарихты бір арнаға тоғыстырған бейнебаяннан оқушылар туған өлкеміздің тарихы, жәдігерлерімен терең танысты.