Қазақстан Республикасының Тәуелсіздігіне 30 жыл толуына байланысты іс-шаралар

Иван Трубицын атындағы №17 жалпы орта білім беретін мектеп-гимназиясында Тәуелсіздіктің 30 жылдығына орай  "Жетістіктің тарихы" атты  тақырыбында ауданымыздың құсбелгілері, Халықаралық турнирдің І орын иегері, Азия чемпиондары ағайынды Серікболсын Жалғас пен Берікболсын Бабажанмен 8-сынап оқушылары арасында кездесу өтті. Жалғас Серікболсын құсбегіліктен Нұрсұлтан қаласында өткен Халықаралық турнирде І орын, Қазақстан Республикасының "Бессайыс"  Халықаралық турнирінде І орын,  А. Құнанбайұлының 175 жылдығына орай өткізілген Халықаралық турнирінде І орын алып, ел мерейін үстем етсе,  Бабажан Берікболсын Азия чемпионатынан І орын, жастар арасындағы IV чемпионатында І орын, Сәкен Сейфуллиннің 125 жылдығына арналған республикалық чемпионатында І орын алып, ел мақтанышына айналды. 
Жас та болса аудан намысын халықаралық дәрежеде қорғаған Серікболсын мен Беркболсынның жеңісі баланың жігерін жандандырып, ұлттық спортқа деген қызығушылығын арттыратыны сөзсіз. Тәуелсіздіктің 30 жылдығына өз үлестерін қосып жүрген жас құсбегілердің еңбегі айырықша. Біз Серікболсын мен Берікболсынды мақтан тұтамыз!!!