Жаратылыстану пәндері әдістемелік бірлестігінің айлығы

Жаратылыстану пәндері әдістемелік бірлестігінің айлығы

   16 қараша күні жаратылыстану пәндері бірлестіктерінің айлық жоспарына сәйкес биология пәні мұғалімі Қазыбаева Ақмарал Жамбылқызы 7 «а, ә» сынып оқушыларының арасында «Білгірлер еліне саяхат» тақырыбында сыныптан тыс іс-шара өткізді. Іс-шара 9 бөлімнен тұрды. Мұғалім оқушыларды топқа бөліп, әр топ өздерін таныстырудан бастады. «Менен сұрақ, сізден жауап», «Артық сөзді тап», «Биологиялық диктант», «Кім тапқыр?» , «Биологиялық эстафета», «Логикалық ойындар», «Мақал-мәтел» сайысы бойынша білімдерін ортаға сала отырып, жан-жақты қамтылған сұрақтар мен ұтымды жауаптар оқушылардың ізденіске жеткенін көрсете алды. Нәтижесінде «Жалын» тобы жеңіске жетті. Іс-шараға оқушылар белсене қатысып, сабақ өте жақсы деңгейде өтті.