«Ұлттық тәрбие - ұлт болашағы» тақырыбында ағалармен дөңгелек үстел кездесу өтті.

🔰2026 жылдың 21-қаңтар күні Иван Трубицын атындағы №17 жалпы орта білім беретін мектеп-гимназиясының 8 сыныптар арасында “Даналық мектебі” жобасы аясында «Ұлттық тәрбие - ұлт болашағы» тақырыбында ағалармен дөңгелек үстел кездесу өтті.
📌Іс-шараның мақсаты – ата-бабадан мирас болып қалған бата, салт- дәстүрлеріміздің мәні мен маңызын, аманат болып қалған домбыра аспабын жас ұрпаққа түсіндіру, үлкенді құрметтеу, ұлттық құндылықтарды дәріптеу. Кездесуге ауылдың қадірлі ағалары шақырылып, олар салт дәстүр, аға ақылы туралы тағылымды ой-пікірлерімен, өмірлік тәжірибелерімен бөлісті.
Дөңгелек үстел барысында салт-дәстүрдің, ұлттық ойын түрлері, халық өміріндегі орны, тәрбиелік мәні туралы әңгіме қозғалды. Оқушылар тарапынан қойылған сұрақтарға ағалар мазмұнды жауап беріп, жастарға ақыл-кеңес айтты.
📎Кездесу барысында 8-сынып оқушыларының орындауында патриоттық әндер шырқалып, іс-шараның тәрбиелік маңызы арта түсті.
Кездесу соңында ағаларымыз жас ұрпаққа ақ баталарын беріп, игі тілектерін арнады. Бұл тағылымды жиын оқушылардың рухани дүниесін байытып, ұлттық салт-дәстүрге деген құрметін арттырды.