“Даналық мектебі” клубының жоспары негізінде «Әжемнің ертегісі» тақырыбында тәрбиелік іс-шара ұйымдастырылып өткізілді

🔰Иван Трубицын атындағы N17 жалпы орта білім беретін мектеп-гимназиясының 5-6 сынып оқушылары арасында “Даналық мектебі” клубының жоспары негізінде «Әжемнің ертегісі» тақырыбында тәрбиелік іс-шара ұйымдастырылып өткізілді.
📌Іс-шараға аудандық аналар ұйымының төрайымы Байбосынова Роза әжеміз, аудандық әжелер ансамблінің әншісі, Оңғарбаева Нуриякүл, Исаева Лазат, Даңғылова Мадина әжелеріміз қонақ болды.
Іс-шара барысында әжелер ертегі желісін ЖИ түрінде құрастырып, мазмұнын әсерлі етіп таныстырды. Тәрбиелік мәні зор ертегілер арқылы балаларға тәртіп, адамгершілік, үлкенге құрмет, ұлттық құндылықтар насихатталды.
Шара аясында әжелер халық әндерін орындап, ұлттық рухты көтерді. Сонымен қатар оқушылар тарапынан қойылған сұрақтарға өмірлік тәжірибеге негізделген нақты, тағылымды жауаптар беріп, балалармен еркін әрі мазмұнды байланыс орнатты.
Іс-шара балалардың қызығушылығын арттырып, ұлттық тәрбиеге деген көзқарасын қалыптастыруға оң әсер етті. Қойылған мақсат толық орындалып, іс-шара мазмұнды әрі тәрбиелік мәні жоғары деңгейде өтті.