«Батамен ел көгерер» тақырыбында аталармен дөңгелек үстел

🔰Иван Трубицын атындағы №17 жалпы орта білім беретін мектеп-гимназиясында «Даналық мектебі» аясында «Батамен ел көгерер» тақырыбында аталармен дөңгелек үстел кездесу өтті.
📌Іс-шараның мақсаты – ата-бабадан мирас болып қалған бата дәстүрінің мәні мен маңызын жас ұрпаққа түсіндіру, үлкенді құрметтеу, ұлттық құндылықтарды дәріптеу.
👨🏻‍🦱Кездесуге ауылдың қадірлі аталары шақырылып, олар бата туралы тағылымды ой-пікірлерімен, өмірлік тәжірибелерімен бөлісті.
📎Дөңгелек үстел барысында батаның түрлері, халық өміріндегі орны, тәрбиелік мәні туралы әңгіме қозғалды. Оқушылар тарапынан қойылған сұрақтарға аталар мазмұнды жауап беріп, жастарға ақыл-кеңес айтты. Кездесу барысында 8-сынып оқушыларының орындауында патриоттық әндер шырқалып, іс-шараның тәрбиелік маңызы арта түсті.
Кездесу соңында аталарымыз жас ұрпаққа ақ баталарын беріп, игі тілектерін арнады. Бұл тағылымды жиын оқушылардың рухани дүниесін байытып, ұлттық салт-дәстүрге деген құрметін арттырды.