“Тұмаудың алдын алу – өз денсаулығыңа жауапкершілікпен қарау”

Иван Трубицын атындағы №17 жалпы орта білім беретін мектеп-гимназиясында “Тұмаудың алдын алу – өз денсаулығыңа жауапкершілікпен қарау” тақырыбында түсіндірме сабағы өткізілді.
🔹 Сабақ барысында оқушыларға тұмау ауруының белгілері, жұғу жолдары және алдын алу шаралары туралы мағлұмат берілді.
🔹 Жеке бас гигиенасын сақтау, дұрыс тамақтану, дәрумендерді қолдану және қоғамдық орындарда сақтық шараларын сақтау туралы айтылды.

📌 Мектепте қатаң сақталуы тиіс санитарлық талаптар:
🔹 Мектепте күнде таңертең медбикелер білім алушылардың дене қызуын өлшеп, сабаққа жіберіп тұрады.
🔹 Маска режимі тұрақты сақталған. Әр оқушы мен мұғалім медициналық маска киіп жүруге міндетті.
🔹 Білім алушылармен күнделікті санитарлық тәртіп пен тазалық сақтау бойынша профилактикалық түсіндіру жұмыстары жүргізіледі.
🔹 “Таза мектеп – дені сау ұрпақ” тақырыбында санитарлық тәрбиеге бағытталған диктант ұйымдастырылды.
🔹 Әр 2 сағат сайын сыныптарда ылғалды тазалау жүргізіліп, терезелер ашылып, бөлмелер желдетіледі.
🔹 Сабақтан кейін бөлмелер арнайы құрылғымен кварцталып, залалсыздандырылады.
🔹 Оқушылардың денсаулығы бақылауда, тек денсаулығы жақсы оқушылар сабаққа жіберіледі.

✅ Басты мақсат – балалардың денсаулығын сақтау және жайлы оқу ортасын қалыптастыру!