«Жарқын болашақ иесі – бүгінгі жас маман»

Иван Трубицын атындағы №17 жалпы орта білім беретін мектеп – гимназиясында «Жарқын болашақ иесі – бүгінгі жас маман» тақырыбында  жас  мамандар онкүндігі өтуде.  Ұстаздық жолын жаңа бастаған жас мамандардың педагогикалық шеберліктерін шыңдау, заман талабына сай жаңашыл ұстаздың бет-бейнесін қалыптастыру мақсатында жоспарланған онкүндіктің бағдарламасы да өзгеше сарында жасалды. Бүгін жастар арасындағы игі істерді таныстыру мазмұнында «Жас маман, алға бас қадам!» іс-шарасы болды. Мектеп фойесіне қойылған жас ұстаздар өмірінен көрініс беретін көрме қызықты да тартымды қойылған.  Мектеп директоры Қалқабаева Асипа Асанқызы, Меркі аудандық білім бөлімінің әдіскері Байтулекова Жанар Болатқызы үйренері көп жас мамандардың ұстаздық жолына еңбекқорлық пен табандылық, сапалы білім мен саналы тәрбие беру ісінде мол табыстарға жете беріңіздер деген тілекпен игі істерге қолдаушы болды. 
   «Жас келсе іске!» деген қанатты қағида жастарымыздың жадында болсын! Себебі, еліміздің болашағы- жастардың қолында.