"Бастауыш сынып оқушыларына деңгейлік тапсырма беруде ғылыми негізге сүйеніп саралау"

2 қараша,2022жылы Иван Трубицын атындағы 17 жалпы орта білім беретін мектеп гимназиясының бастауыш сынып әдістеме бірлестігінде "Бастауыш сынып оқушыларына деңгейлік тапсырма беруде ғылыми негізге сүйеніп саралау" тақырыбында семинар болып өтті.Әр ұстаз өз тәжірибесінде ғылыми ізденіс барысында педагогика саласында оқытудың деңгейлік жүйесі оқушыларға ғылым негізін меңгертудің негізгі тиімді жолы болып табылатындығы туралы пікірлерін білдірді. Деңгейлік оқытудың ерекшелігі – оқушылардың сабақ барысында бірнеше деңгейде жұмыс жасай алатындығында. Сонымен бірге қазіргі жаңа технологиямен оқыту барысында компьютерлер мен оларды басқарушы алгоритмдер біздің қоғаммыздың маңызды бөлігіне айналды. Олай дейтініміз , бүгінгі таңдағы жаңадан шығып жатқан электронды оқулықтар оқушыны жаңаша оқытудың , жаңа оқу әдістерін , жаңа мазмұнды қажет етеді.
Оқушыларды деңгейге бөліп оқытуға бола ма, оның қандай тиімді жолдары бар , деңгейге бөліп оқытудың өзіндік ерекшелігі қандай және жеке тұлға тәрбиелеуде қандай көмегі бар деген сауалдарға тоқталып , деңгейге бөліп оқытудың кезінде оқушылардың тәжірибелік-теориялық дайындығын, оқуға деген ынтасын , дара қасиетін әлеуметтік- психологиялық танымал , сұранымын ескеру талап ететіндігі туралы директордың оқу ісі жөніндегі орынбасарлары Жанбабаева Г.Б. , Байгашева В.Т  әдістеме бірлестігінің жетекшілері Алимсеитова Г.А. мен Айымбекова А.Е. атап өтті.