1 сынып оқушылар арасында өткен «Оқуда озат боламын!» атты ертеңгілігінің қорытынды есебі.
1 сынып оқушылар арасында өткен «Оқуда озат боламын!» атты ертеңгілігінің қорытынды есебі.
14 наурыз 2019 ж № 17 Иван Трубицын атындағы ЖББ мектеп-гимназиясында 1 сыныптар арасында «Оқуда озат боламын!» атты мереке өтті. Балалар өздеріне ең алғаш сауаттарын ашқан әріптерді танытқан,суреттерді сөйлеткен- «Әліппемен»қоштасты.
Басталу уақыты: 12:00
Қатысушылар: 1 «А», 1 «Ә», 1 «Г», 1 «Е», 1 «З», 1 «И» сыныптары.
Мақсаты: Оқу барысында алған білімдерін тиянақтау,өз өнерлерін ата-аналарына көрсету,белсенділігін арттыру,ұжымшылдығын күшейту және оқуды сүюге үйрету.
Мереке қарсаңында ата-аналар, өзгеде 1 сынып оқушылар мен ұстаздары қатысы. Зал толық болды. Сахна тақырыпқа сай безендірілген. Балалардың киімдері,музыкалық сүйемелдеуі өте керемет болды.
Балалар мерекеге түрлі тақпақтар,өлеңдер.шағын көрініс те дайындады.Балалардың бұл мерекеге қатысуы,ән айтып,би билеу, өнерлерінің жарасымдылығы көрермендерді қатты қуантты.Балалар тек сұрақтарға жауап беріп қана емес,өздерін түрлі актерлік шеберлерін көрсете білді.
Мерекенің басталуы:
Мұғалім: Армысыздар қымбатты балалар, ардақты ата-аналар және қадірлі ұстаздар! Міне, бүгін сіздер кеше ғана білім баспалдағына алғаш рет қадам басқан, бүгінгі 1-сынып оқушыларының мерекесіне жиналып, «Оқуда озат боламын!» тойының куәгері болып отырсыздар.Ендеше, бүлдіршіндеріміздің білім жолына аттаған қадамдарына сәт-сапар тілей отырып, бүгінгі мереке иелерін ортаға шақырайық. Қарсы алыңыздар:
Музыка: Мектебім әні. (Балалар екі-екіден қол ұстасып,ортаға шығады.)
Мұғалім: Сәлеметсіңдер ме балалар! Қош,келдіңдер! Сендерді көргеніме өте қуаныштымын. Сендер сондай сұлусыңдар. Барлығың да әдемі киініп,дайындалып келіпсіңдер. Мұнда не болайын деп жатыр,сендер білесіңдер ме?
Балалар: Бізде бүгін мереке!!!
Мұғалім: Жарайсыңдар балалар! Мерекелерің құтты болсын! Ендеше, мерекемізді бастайық.
Балалар «Әліппеден» алған тақпақтарын орындайды.
- «Тыңдаңыздар, тыңдаңыздар!
Оқу білім бастауы
Ілім, ғылым арқауы
Бүлдіршінге тіл ашқан
Көкірекке нұр шашқан
«Біздің » тойда басталды» - Жақсы білім көрімдік,
Болсын бізге халайық.
Не үйреніп, не бюілдік,
Қане ортаға салайық.
- Алфавиттің сыры
Алфавиттің «А» тұрады басында,
Әрқашанда «Ә» тұрады қасында.
Байқадыңба «Б» тұрады үшінші,
Ал,осының сыры неде түсінші.
- А дегенің аналар ғой ардақты,
Ә дегенің әкелер ғой салмақты.
Б дегенің балалар ғой әдемі,
Біздің елде үшеуі де кәделі.
Алшақ кетпей сондықтан да расында,
Тұрады олар алфавиттің басында,
Мұғалім: Балалар сендер білімді қайдан аласыңдар?
Оқушылар: Оқулықтардан!
Мұғалім: Жарайсыңдар! Ендеші ортаға оқулықтарымызды шақырайық. Бәлкім, мыстан сонда сенетін шығар.
Оқулықтар сөйлейді:
Армысыздар , жас достар!
Армысыздар ата-аналар!
Болашаққа жол бастар
Оқулықтар келді ортаға
Сәлеметсіңдер ме балалар! Бізді шақырғандарыңа қуаныштымыз. Біз сендерге өмір бойы көмекттесуге дайынбыз.Оқу адамға өмір бойы керек емес пе?! Сендер кеше ғана мектеп табалдырығын аттадыңар,бүгін мінекей озат оқушысыңдар. Осында 11ж білім аласыңдар,үлкен азамат боласыңдар.
Оқу білім бұлағы,білім өмір шырағы дейді. Ендеше оқуда қанаттарың талмасын!
Мұғалім: Құрметті оқулықтар,келгендеріңізге рахмет!
Оқулықтар: Білімді бәрінен де озған. Ендеше, алған білімімізді дәлелдеп берейік. Балалар мен сендерге сұрақ қояйын. Сендер жауап береғойыңдар. Сонда бәрі жақсы болмақ.
Сұрақтар:
Табақта үш алма
Қолымда екі алма
Қосқанда барлығы
Болады неше алма? (5 бес)
Бір-бірімен жарысқан,
Төрт аю,бір арыстан.
Екі қоян,бір түлкі,Бәрі нешеу кім білді?
42 жауынгер
Сапын түзеп тұрады,
Бүлдіршіндер қауымы
Сырын терең ұғады. (Алфавит)
Жазу жазып жалықпаған,
Жаза - жаза арықтаған. (Бор)
Алты қырлы,
Алтын сырлы. (Қарындаш)
Үйреткен ілімді,
Қырық екі білімді. (Алфавит)
Қабат - қабат қаттама,
Ақылың болса, аттама. (Кітап)
Өшірді, сүртті,
Өзгені құртты,
Өзін де құртты. (Өшіргіш)
Мақал-мәтелдердің жалғасын тауып көр?
- Оқу инемен құдық қазғандай.
- Кітапсыз білім жоқ,
Білімсіз күнің жоқ.
- Оқу- білім бұлағы,
Білім-өмір шырағы.
Мұғалім мен Оқулықтар: Жарайсыңдар балалар. Өте жақсы.
Оқулықтар: Бұлай жарамас, Білмесбек ! Мұның дұрыс болмады. Неге отырсың,кел!
(Оқулықтар Білмесбекті ортаға шығарады)
Білмесбек: Мен бармаймын.Мен ештеңеге қатыспаймын. Менің ұйықтағым келеді. Тамақ жегім келеді. Ойнаймын. Мектепке барғым келмейді,оқығымда келмейді.
Оқулықтар: Неге оқығың келмейді? Оқу деген жақсы. Ақылды боласың.Жалқаулықты қоясың.
Білмесбек: Менің тіпті қалам-сабымда жоқ. Мен оқи алмаймын. Мен жаза да алмаймын,Менімен ешкім дос емес.УУУ жылайды
Мұғалім: Балалар біз әрқашанда достарымызға көмектесуге дайын емеспізбе, ендеше қане Білмесбекпен дос болайық.(Әліппе.қалам-сап.өшіргіш,сөмке т.б) дос болады
Әліппе: Суреттерді сөйлеткен,
Әріптерді үйреткен,-мен боламын әліппе. «Мен сенімен дос боламын.»
Қалам-сап: Оқу оқып білгенсоң,жазу жазу міндетің. Сол жазуды жазатын мен досыңмын, «қаламмын». «Мен де сенімен дос боламын.»
Өшіргіш: Жазуларда қате болар, қателерді өшіруге, керек болар өшіргіште. «Менде досың боламын»
Сөмке: Мұның бәрі саған керек.Мектепке бәрін апару керек,Мұның бәрін апару үшін, әрине саған сөмке керек.
Мұғалім: Мінекей сенің достарыңда табылды,мұның бәрі үнемі сенің жаныңда дос болады. Оқу құралдарыңды ұқыптап ұста. Оқу құралдары тек жақсы, ақылды,таза ұстайтын балалармен дос болады.
Оқулықтар: Қане Білмесбек біз саған 1.2сұрақ қояйық.жауабын балалармен бірге тауып көрейік. Үйренейік.
Сұрақ: 1. Ата.Апа сөздері қай әріптен басталды? «А»
Ас атасы-не ? « нан». Қай әріптен басталды? «Н»
2. 1+1 қанша болды?
3. 10ға дейін санайықшы? Бірге.
Жарайсың. Мінекей енді сенде оқи аласың.есепте шығарасың. Біз бәріміз саған көмектесеміз.
Білмесбек: Сіздерге көп рахмет! Мен енді білетін боламын.Оқитын да боламын.
Мұғалім: Құрметті оқулықтар сіздер кетпеңіздер. Бүгінгі біздің балаларымыздың дайындаған өнерлерін тамашалап,демалып қайтыңыздар. Бізде бігін өлең,тақпақ ән де бар. Саусағынан бал тамаған, өнерлі бишілеріміз де бар. Ендеше той төрімізге жайғасыңыздар.
Өнерлер. Ортада : 1 «Ә» Флешмоб
1 «А» сыныбы Жанатбек Бағдаулет Ән
1 «З» сыныбы «Қуыршақ Барби» биі
Мәнерлеп оқу: Арнас,Диас, Ерсұлтан,Амина.
1 «Г» Исмайл Рамазан Ән
1 «Ә» Вальс
1 «И» сыныбы «Гүлдер» биі
1 «Ә» ән «Оқуда озат боламын»
Соңында:
Оқулықтар: Кішкентай менің оқырмандарым,шәкірттерім. Сендерге көп -көп рахмет! Бүгінгі мерекелеріңмен тағыда құттықтаймын. Оқуда әрқашан озат болыңдар. Білімдерің терең болсын. Әрқашан жолдарың ашық болсын,біз сендерді мақтан тұтамыз.
Білімнің бетін жарық ет!
Ұл-қызымды білімді ет,
Келесі оқу жылына,
Аман-есен түгел жет!
«5» болсын алар бағамыз,
Білімнен бақыт табамыз.
Өнер-білім көп тоқып .
Өсе берсін санамыз! Әумин.
Мұғалім сөзі: Құрметті қонақтар рахмет! Құрметті оқушылар! «Оқушы» деген атқа лайық болып, ата-аналарыңды , ұстаздарыңды, құрбы- жолдастарыңды сыйлайтын әдепті, алғыр, зерек, тәртіпті болады деп сенім білдіремін. Осы білімдерін жақсы меңгеріп, сауатты жазып оқуларыңа ата-аналарыңның қосқан үлесі мол. Сіздерге алғысымызды білдіре отырып ендігі сөз кезегі сіздерде.
Ата-аналар: Барлық балаларға және мұғалімдерге алғыстарын білдірді.
Қорыту:
Балалар осы 2018-2019 оқу жылында мектеп қабырғасынан көп нәрсеге қол жеткізді. Балалар зейін қойғыштыққа, еңбек сүйгіштікке және білімге құштарлықтары артты. Олар тек әріптермен танысып қана қойған жоқ, оның әр беттері, бір - бірлерімен тату, дос болуға, адамгершілікке үйретті, мектеп ережелерімен таныстырды. Енді Білім баспалдағына өрлеген сапарларыңа тек сәттілік тілеймін! Сендер алфавиттің бүкіл әріптерін жаттап алдыңдар.
