День Знаний
№ 17 И.И.Трубицын атындағы орта мектеп-гимназиясында 2017жылдың 2 қыркүйегінде өткен Білім күніне арналған салтанатты жиынға ақпарат
№ 17 И.И.Трубицын атындағы орта мектеп-гимназиясында 2017жылдың 2 қыркүйегінде Білім күніне арналған салтанатты жиынға мектеп алды даярлық тобынан 11 сынып аралығына дейінгі оқушылар, ұстаздар, ата-аналар және қонақтар қатысты. Салтанатты жиында 2017 оқу жылы баршамыз үшін маңызды тарихи оқиғаларға, яғни Азия елдері ішінде Елімізде бірінші рет ұйымдастырылып отырған ЭКСПО көрмесімен және Елбасымыздың «Болашаққа бағдар: рухани жаңғыру» атты мақаласымен ерекшеленіп отырғандығы туралы айтылды. EXPO бүкіләлемдік бірегей көрмесі – маңызы жағынан дүниежүзілік экономикалық форумдармен, ал туристік тартымдылығы бойынша ең танымал әлемдік деңгейдегі спорттық жарыстармен салыстыруға тұрарлық жаhандық ауқымдағы оқиға екені айтылып, EXPO-2017 көрмесі – Қазақстанның әлеуетін көрсетуге зор мүмкіндік, ал Мемлекет басшысының «Болашаққа бағдар: рухани жаңғыру» атты мақаласында «Білімді, көзі ашық, көкірегі ояу болуға ұмтылу – біздің қанымызда бар қасиет» және «Табысты болудың ең іргелі, басты факторы білім екенін әркім терең түсінуі керек екендігі де тілге тиек етілді. Ал осы оқу жылындағы ең алғашқы сабақтың тақырыбы «Мен өз елімнің патриотымын». Салтанатты жиында ортаға 1 сынып оқушылары шыққан соң мемелекеттік гимнің орындалуымен ашық деп жарияланып, мың бұралған мектебіміздің «Еркемай» би тобының қазақша биіне ұласты. 1 сынып оқушылары мектеп, ұстаздарына арналған тақпақ, әндерін айтып көпшіліктің көңілінен шықты.
Салтанатты жиынға келген қонақтар қатарында Меркі ауылдық округінің әкімі Акек Е.Б., Жамбыл облыстық Білім бөлімінің әдіскерлер кабинетінің әдіскері Кушерова Ж.А., Меркі ауданы әкімдігінің білім бөлімінің әдіскері Асанжанова М.Б. және мектеп ата-аналар комитетінің төрағасы Зарипов М.С. қатысып оқушыларды Білім күнімен құттықтап жылы лебіздерін білдірді.
Мектеп директоры Тлеубердиева Гүлжан Ержанқызы оқушыларды, ата-аналарды және ұстаздарды Білім мерекесімен құттықтап алдағы оқу жылына сәттілік тіледі. Білім мерекесімен құттықтау сөз 11 сынып жетекшілер атынан Етекбаева Л.М., 1 сынып жетекшілері атынан Соколинских Н.А., ал ата-аналар атынан мектеп ата-аналар комитетінің төрағасы Зарипов М.С. берілді.
Мектебіміздің 2017-2018 оқу жылына алғашқы қоңыруы соғылғаннан соң сөз мектеп директорының бұйрығын оқу үшін оқу ісі жөніндегі орынбасары Абдекова Мәншүк Мәмбетқызына берілді. Мектеп оқушысы Бекназаров Абылайдың «Ұстазым-қамқоршым» әсем әнімен салтанатты жиын өз мәресіне жетіп барлық сыныптарда алғашқы «Мен өз елімнің патриотымын» тәрбие сағаты өткізілді.