Елбасы медалінің иегерлері

Елбасы медалінің иегерлері

     Иван Трубицын атындағы №17 жалпы білім беретін мектеп – гимназиясында  «Елбасы медалі» жобасының қола жүлдегерлері марапатталды. «Елбасы медалі» -  жас буынды жан-жақты дамытуды көздейтін ұлттық деңгейдегі бірегей бағдарлама. Бұл жобаға 14 пен 29 жас аралығындағы жастар қатысты. Олар 6 ай бойы жеті бағыт бойынша тапсырма орындап, білім мен шеберліктерін жетілдірді. Спортпен шұғылдану, өнерге бет бұру, төл мұраны дәріптеу, қайырымдылық жасау мен кітап оқудан сынақ тапсырды. «Елбасы медалі» жобасына 11-сынып оқушысы Жексенбиева Ұлғаным, 10-сынып оқушылары Горькийқызы Толғанай мен Сейтқазы Ұлдана  қатысып, қола медаль және төсбелгімен марапатталды. Топ жарған шәкірттерімізге толағай табыстар мен шығар шыңдарының биік болуын тілейміз.