«Терроризм туралы не білуі керек?»

12 наурыз күні мектебімізде 3–4 сынып оқушыларына арналған «Терроризм туралы не білуі керек?» тақырыбында түсіндіру сабағы өткізілді.

Сабақ барысында оқушыларға қауіпсіздік ережелері, бейтаныс адамдармен қарым-қатынас жасау мәдениеті және күмәнді жағдайларда дұрыс әрекет ету жолдары туралы ақпарат берілді. Сонымен қатар, қоғамдық орындарда қауіпсіздікті сақтау, қауіпті заттарды байқаса ересектерге немесе мұғалімдерге дереу хабарлау керектігі түсіндірілді.

Іс-шараның мақсаты – оқушылардың қауіпсіздік мәдениетін қалыптастыру, төтенше жағдайларда сақ болуға және дұрыс шешім қабылдауға үйрету.