«Терроризмге қарсы іс-қимыл туралы»

«Терроризмге қарсы іс-қимыл туралы» бейнеролик көрсету

Білім алушылардың қауіпсіздігін қамтамасыз ету және терроризмнің алдын алу мақсатында мектебімізде «Терроризмге қарсы іс-қимыл туралы» тақырыбында бейнеролик көрсетілді.

Іс-шара барысында оқушыларға төтенше жағдай кезіндегі әрекет ету алгоритмдері, күдікті заттарды байқаған жағдайда хабарлау тәртібі және жеке қауіпсіздік ережелері түсіндірілді. Сонымен қатар, қауіптің алдын алу жолдары мен құқықтық жауапкершілік мәселелері кеңінен талқыланды.

Бейнеролик көрсету барысында мектеп директорының тәрбие ісі жөніндегі орынбасары Куанышова Б. О. және мектеп инспекторы Исабеков Б. түсіндірме жұмыстарын жүргізіп, оқушылардың сұрақтарына жауап берді.

Мұндай профилактикалық іс-шаралар жас ұрпақтың қауіпсіздік мәдениетін қалыптастырып, жауапкершілігін арттыруға бағытталған.