Бастауыш сынып бірлестігі айлығының жабылу салтанаты

🔰Иван Трубицын атындағы №17 жалпы орта білім беретін мектеп-гимназиясында бастауыш сынып бірлестігі айлығының жабылу салтанаты өтті.

📌Шараның негізгі мақсаты – бастауыш сынып оқушыларының білімге деген қызығушылығын арттыру, шығармашылық қабілеттерін дамыту және мұғалімдердің кәсіби тәжірибе алмасуына мүмкіндік жасау.

📍Салтанатты жиын білім бөлімінің әдіскері Л.А.Абенованың құттықтау сөзімен ашылып, айлық барысында өткізілген іс-шараларға қорытынды жасалды. Оқушылардың қатысуымен шағын концерттік бағдарлама ұйымдастырылып, әндер шырқалып, өлеңдер оқылды. Бастауыш сынып оқушылары өз өнерлерін көрсетіп, көрермендерге көтеріңкі көңіл күй сыйлады.

📎Айлық аясында ашық сабақтар, сыныптан тыс іс- шаралар, зияткерлік ойындар, байқаулар мен шығармашылық жұмыстар өткізілді. Бұл жұмыстар оқушылардың жан-жақты дамуына ықпал етіп, ұстаздардың кәсіби шеберлігін арттыруға көмегін тигізді.

✨Бастауыш сынып бірлестігі айлығының жабылу салтанаты мазмұнды да әсерлі өтіп, қатысушыларға ерекше шабыт сыйлады.