№9 Меркі кәсіптік колледжіне танымдық экскурсия

🔰2026 жылдың 23 қаңтар күні кәсіптік бағдар беру жұмыстары аясында Иван Трубицын атындағы №17 жалпы орта білім беретін мектеп-гимназиясының 9-сынып білім алушылары №9 Меркі кәсіптік колледжіне танымдық экскурсияға барды.
📌Экскурсияның мақсаты – білім алушыларды колледждің оқу-тәрбие үдерісімен, мамандықтарымен және материалдық-техникалық базасымен таныстыру, болашақ мамандық таңдауға бағыт-бағдар беру.
📍Экскурсия барысында оқушылар колледждің оқу кабинеттерін, зертханаларын, шеберханаларын аралап көрді. Колледж оқытушылары мен жауапты мамандар студенттер даярланатын мамандықтар, оқуға қабылдау талаптары, оқу мерзімі және түлектердің жұмысқа орналасу мүмкіндіктері туралы жан-жақты ақпарат берді.
📎Оқушылар өздерін қызықтырған сұрақтарын қойып, нақты жауаптар алды. Экскурсия барысында 9-сынып оқушылары кәсіби білім берудің маңыздылығын түсініп, өз болашағын саналы түрде жоспарлауға мүмкіндік алды.