«Менің таңдауым – менің болашағым»

🔰Иван Трубицын атындағы №17 жалпы орта білім беретін мектеп – гимназиясында «Адал азамат» біртұтас тәрбие бағдарламасы аясында, «Еңбегі адал жас өрен» жобасы бойынша «Менің таңдауым – менің болашағым» тақырыбында кәсіби бағдар беру іс-шарасы өткізілді.
📌Іс-шараның мақсаты – мектеп бітіруші түлектерге болашақ мамандықтарын саналы түрде таңдауға бағыт-бағдар беру, еңбекқорлыққа, жауапкершілікке және адал еңбек етуге тәрбиелеу.
Шара барысында 11-сынып білім алушылары өздері таңдаған мамандықтар бойынша дайындалған слайдтық жұмыстарын қорғап, болашақ кәсіби жоспарларымен бөлісті. Атап айтқанда, IT, дизайнер, дәрігер, аудармашы, архитектор, банк ісі сияқты түрлі мамандықтар таныстырылды.
Оқушылар өз баяндамаларында мамандықтың ерекшелігі, қоғамдағы маңызы, болашақтағы мүмкіндіктері туралы жан-жақты ақпарат беріп, өз ойларын еркін жеткізе білді. Іс-шара түлектердің кәсіби өзін-өзі анықтауына үлкен ықпал етіп, мазмұнды әрі тартымды өтті.
Кәсіптік бағдар беру педагогтері: Анафияева Д.Д., Кемелбекова Б.Ж.