Етекбаева Лаура Мұратханқызы 8 сыныптар арасында оқушылардың тарихи білімдерін шыңдату мақсатында "Ұлы дала қырандары" атты тақырыпта зияткерлік сайыс өткізді.

Иван Трубицын атындағы №17 жалпы орта  білім беретін  мектеп-гимназиясында 2022 жылдың 28 ақпан күні тарих пәні әдістемелік бірлестігінің айлығында тарих пәні мұғалімі Етекбаева Лаура Мұратханқызы  8 сыныптар арасында оқушылардың тарихи білімдерін шыңдату мақсатында  "Ұлы дала қырандары" атты  тақырыпта зияткерлік сайыс өткізді.  "Білекке сенген заманда ешкімге есе бермедік, Білімге сенер заманда қапы қалып жүрмелік" деп Ұлы Абылай хан  айтып кеткендей, оқушыларға бүгінгі заман білекке сенер емес, білімге сенетін заман екен негізге алып, осы қанатты сөздермен оқушылардың білім алуға құштарлығын оята білді. Сайыс барысында  тапсырма сұрақтары тарихи негізде құрастырылып, оқушыларға жан-жақты білім алуға мүмкіндік берді. Сайыстың 3 кезеңінде оқушылар өздерінің алғырлығы мен білімдерін көрсетті.  Барлық тапсырмаға белсене қатысып, өз білімдерін көрсете білген 8 А сынып оқушылары Сатыбалды Назым 1-орынды, Ильяс Даниал 2-орынды, Досжанқызы Ақнұр 3-орынды иеленді.