"Жомарт түлек"

Меркі ауданында "Жомарт түлек" акциясы аясында Иван Трубицын атындағы №17 жалпы орта білім беретін мектеп – гимназиясының 2001 жылғы түлектері Мамытқазиев Талғат Маратұлы мен Қабылбеков Данияр Маматбекұлы мектебімізге жалпы сомасы 200.000 теңге тұратын теннис үстелдерін алып берді. Теннис балалардың ой және дене шапшаңдығын қалыптастырып,  спортқа деген қызығушылығын арттыратыны сөзсіз. Әрбір түлектің білім алған ошағының көркеюіне үлес қосқаны азаматтық парызы деуге болады. Мектеп түлектерінің осындай игі істері жас ұрпақтың бойын жігерлендіріп, патриоттық сезімге баулиды. Өскелең ұрпақтың жақсылық жасап, қайырымдылық көрсетуіне үлгі болар азаматтарымызға айтар алғысымыз шексіз.