Биология пәнінен ашық сабақ

📗 Иван Трубицын атындағы №17 жалпы орта білім беретін мектеп-гимназиясында 7 «А» сыныбында биология пәнінен ашық сабақ өткізілді. Сабақты жас маман Таубай Ұлбосын Пердебекқызы жүргізді.

📌 Сабақтың тақырыбы: «Өсімдіктердің өсімді жолмен көбеюі, оның түрлері және табиғаттағы биологиялық маңызы. Өсімдік өсіруде өсімді жолмен көбею тәсілдерін қолдану. Қалемшелеу, сұлатпа өркен, телу (қалемшелермен, көзшелермен), көбею ұлпаларымен».

🌱 Сабақ барысында оқушылардың қызығушылығын арттыру мақсатында түрлі әдіс-тәсілдер қолданылды. Мұғалім жаңа тақырыпты түсіндіруде көрнекі құралдарды тиімді пайдаланып, оқушылармен белсенді кері байланыс орнатты.

🔬 Практикалық бөлімде «Өсімдіктердегі вегетативті көбею тәсілдері» тақырыбында зертханалық жұмыс жүргізіліп, оқушылар өз білімдерін тәжірибе арқылы бекітті.

✨ Оқушылар сабаққа белсенді қатысып, топтық және жеке жұмыстар арқылы өз білімдерін көрсетті. Сабақ жоғары деңгейде ұйымдастырылып, қойылған мақсаттарға толықтай қол жеткізілді.