“Зиянды заттардан аулақ бол!”

“Зиянды заттардан аулақ бол!” тақырыбында аудандық орталық аурухананың профилактика бөлімінің меңгерушісі Абдурахманов Шакир Абдушавкатовичтің және мектеп инспекторы Б.Қ. Исабековтың қатысуымен ұлдар жиналысы өтті.

Кездесу барысында «Жасөспірімдер арасындағы лудомания мен игроманияның алдын алу» тақырыптары кеңінен қозғалды. Мамандар жасөспірімдерге зиянды әдеттердің, құмар ойындар мен шамадан тыс ойынға тәуелділіктің кері әсерін түсіндіріп, олардың денсаулыққа, оқу үлгеріміне және болашақ өміріне тигізетін зардаптарын атап өтті.

Сондай-ақ құқықтық жауапкершілік, бос уақытты тиімді ұйымдастыру, спорт пен пайдалы үйірмелерге қатысудың маңыздылығы айтылды. Оқушылар өздерін толғандырған сұрақтарын қойып, мамандардан нақты жауаптар алды.

Мұндай профилактикалық кездесулер жасөспірімдердің саналы таңдау жасап, салауатты өмір салтын ұстануына бағытталған.

✨ Болашағыңды бүгіннен ойла – зиянды әдеттен аулақ бол!