🔰Рухани құндылықтар мен мейірімділік сабағы

Иван Трубицын атындағы №17 жалпы орта білім беретін мектеп-гимназиясында инклюзивті мәдениетті қалыптастыру және рухани-адамгершілік құндылықтарын дамыту мақсатында жазушы Р. Мұқанованың «Мәңгілік бала бейне» шығармасы негізінде танымдық іс-шара ұйымдастырылды.
📍Шара барысында жүргізуші 9 «Ә» сынып оқушысы Өтепберген Сезім шығарманың негізгі концепциясын таныстырып, адам тағдыры мен қоғамдағы инклюзивті мәдениет мәселесін қозғады. Кітапханашы А. Мырзагулова жетекшілік еткен талқылауда оқушылар ерекше білім беру қажеттіліктері бар жандарға қолдау көрсету мен гуманизм принциптерін талқылады. Шығарма негізінде адам тағдыры, Семей қасіреті және ерекше жандарға деген құрмет тақырыптары сөз болды. Бұл өнеге сағаты оқушылардың азаматтық жауапкершілігі мен жанашырлық, мейірімділік сезімдерін ұштауға бағытталды.