Тарих сабағында инновациялық технологиялардың тиімділігі

🔰2025 жылдың 2 желтоқсан күні Иван Трубицын атындағы №17 жалпы орта білім беретін мектеп-гимназиясының тарих әдістемелік бірлестігінің “Тарих сабағында инновациялық технологиялардың тиімділігі” тақырыбында айлықтың ашылуы болды.
⚜️Ашылу барысында мектеп мұғалімдері мен оқушыларына арналған көрме ұйымдастырылды. Қазақтың ұлттық құндылықтары дәріптеліп, оқушыларға арналған интеллектуалды ойындар жүргізілді. “Ешкім де, ешнарсе де ұмыт қалмайды” демекші, тарихта өшпес із қалдырған тарихи тұлғалар галереясы ұйымдастырылып, әдістемелік бірлестік жетекшісі Етекбаева Лаура Мұратханқызы таныстырылым жасады.
📜Оқушыларды патриоттық сезімге, өз елінің тарихына құрметпен қарауға баулу мақсатында “Тарих - өткенге сабақ, келешекке өнеге” тақырыбында тарихи- танымдық кеш өткізілді. Кеште мектеп директоры Бексултанова Мадина Болатқызы құттықтау сөз сөйлеп, тарихтың тағылымы- болашақтың бағдары екеніне тоқталды.
📍Тарихи тұлғалар Міржақып Дулатұлы мен Ермұхан Бекмаханов туралы қойылымдар көрсетілді. Оқушылар тарихымызда өшпестей із қалдырған ұлы тұлғаларымыздың ерен еңбектерін көрерменнің көңіліне жеткізе білді. “Бабалардың ізін көрем” композициялық би қойылымы жоғары деңгейде орындалды. Ұйымдастырылған іс- шара көрермендердің көңілінен шығып, жүректеріне жылулық сыйлады.