«Кітап – білім бұлағы» атты кітап оқу байқауы

🔰2025 жылдың 17 желтоқсан күні тарих пәні әдістемелік бірлестіктің айлығы аясында тарих пәнінің мұғалімдерінің ұйымдастыруымен оқушылардың кітапқа деген қызығушылығын арттыру, оқу мәдениетін дамыту мақсатында «Кітап – білім бұлағы» атты кітап оқу байқауы өтті.
📌Байқаудың мақсаты – оқушылардың тарихи шығармаларға деген қызығушылығын арттыру, тарихи санасын дамыту және көркем әдебиет арқылы ел тарихына терең бойлау. Іс- шараны директордың оқу ісі жөніндегі орынбасары Иманбекова Лаура Жақсымбетқызы мен әдістемелік бірлестік жетекшісі Етекбаева Лаура Муратханқызы сөз сөйлеп ашып берді.
📍Байқауға 5–10 сынып оқушылары белсене қатысты. Оқушылар өздері оқыған тарихи кітаптарды мазмұндап, кейіпкерлерге сипаттама беріп, туындының идеялық маңызын ашты.
Бұл байқау жас ұрпақтың танымын кеңейтіп, кітап оқуға деген құштарлығын арттыра түсті. Байқау жоғары деңгейде өтіп, оқушыларға рухани азық болды.