"Мен таңдаған мамандық"

2020 жылдың 14 желтоқсан күні Иван Трубицын атындағы №17 жалпы білім беретін мектеп-гимназиясының 11"Ә" сынып оқушылары мен сынып жетекшісі Таубаева Д. С. Меркі ауданы әкімдігінің ішкі саясат бөлімінің бас маманы Қаймолдаева Н. Ө. "Мен таңдаған мамандық" атты кездесу  конференциясы өтті. Конференция мақсаты мамандық таңдау кезінде оқушыларға бағыт-бағдар беріп, таңдау мүмкіндіктерін шешу. Адам өмірінде мамандықтың алатын орны,маңызы туралы түсінік қалыптастыру. Конференция барысында Назира Өмірбекқызы өзі заңгер және экономист мамандығын алып, осы салада атқарған жұмысының қыр сырымен бөлісті. Өз сөзінде Нәзира Өмірбекқызы мамандық дегеніміз- адамның еңбек қызметінің түрі. Мамандық таңдау — адам өміріндегі алдағы болашағын айқындайтын, үлкен өмірге аяқ басатын маңызды қадамдардың бірі екендігін айтып өтті. Конференция барысында 11 сынып оқушылары Жақсы маман болу үшін адам нені біліп, нені үйрену қажет деп ойлайсыз?, Елімізді өркендету үшін бүгінгі таңда қандай маман иелері керек деп ойлайсыздар?, Адам өзін белгілі бір мамандыққа қашан, қалай дайындауы керек?,  Өздерің қай уақыттан бастап дайындалдыңдар?,  Бүгінгі таңда қандай мамандықтар сұранысқа ие?  деген сияқты сауалдар қойылып, конференция қонағы Нәзира Өмірбекқызынан толық жауаптар алды.