«Абай мұрасы – рухани қазына»

📒2025 жылдың 17 қазан күні 6 «В» сынып оқушыларымен «Абай мұрасы – рухани қазына» атты танымдық кеш өткізілді. Іс-шараның мақсаты: қазақтың ұлы ақыны, ойшылы Абай Құнанбаевтың өмірі мен шығармашылығын терең танып, оның рухани мұрасын насихаттау, оқушыларды ұлттық құндылықтарды құрметтеуге, адамгершілікке, ізгілікке тәрбиелеу болды. Кеш барысында оқушылар Абайдың өмірі мен шығармашылығына арналған бейнежазбаны тамашалап, өлеңдерін жатқа айтып, Абайдың қара сөздерінен үзінділер келтірді.Сонымен қатар, оқушылардың қатысуымен «Шегіртке мен Құмырсқа» атты көрініс көрсетілді. Көрініс арқылы оқушылар еңбектің қадірін, Абай шығармаларының тәрбиелік мәнін көрсете білді.
📒Көріністен кейін сахнада оқушылардың орындауында қазақтың ұлттық биі орындалды. Кеш соңында оқушылар Абайдың «Көзімнің қарасы» әнін хормен орындап, іс-шараны әсерлі де мазмұнды түрде аяқтады.
Танымдық кеште оқушылар белсенділік танытып, өз өнерлерін жан-жақты көрсете білді.Пән мұғалімдері: Умаралиева Г. К.
Қылышбекова Қ. С.