Құқықбұзушылықтардың алдын алу

⚜️Ағымдағы жылдың қыркүйек айының 16 күні кәмелетке толмағандар арасындағы және оларға қатысты жасалатын құқықбұзушылықтардың алдын алу мақсатында Иван Трубицын атындағы #17 жалпы орта білім беретін мектеп-гимназиясында оқушылармен кездесу өтті.

📌Іс-шарада Меркі АПБ КПБ бастығы, полиция майоры Абдрашов Талғат және Меркі АПБ ЖПҚБ Ювеналды полиция бөлімшесі аға инспекторы полиция майоры Оспанбеков Ерболат балаларға құқықтық сауаттылығын арттыру бойынша кездесу өткізді. Жасөспірімдер арасында кеңінен тараған заң бұзушылықтың алдын алу, темекі оның ішінде электронды шылым және сабаққа кешігу мәселелері сөз болды. Сондай-ақ түнгі уақытта яғни сағат 22:00-ден кейін ойынхана мен кафе, кинотеатр мекемелерде ата-анасының қарауынсыз жүрген жағдайда айыппұл төлейтіндері туралы ескертті. Тәлім мен тәртіптің маңыздылығын кеңінен талқыланып, қылмыс пен құқықбұзушылықтар үшін қарастырылғанын жауапкершілік түрлері түсіндірілді.

Кездесу аясында полиция майоры қазіргі кездегі қоғамдағы құқықбұзушылықтың себеп-салдары, оның алдын алу жөніндегі жүргізіліп жатқан шаралар жайлы сөз қозғады. Жиынға қатысқан оқушылар мен ұстаздар қонақтарға өз көкейлеріндегі сауалдарын қойып, оған толыққанды нақты жауаптар алды.