Мектептің рәміздері
Мектеп таңбасы
Гимназияның таңбасы дөңгелек пішінді, түсі көгілдір. Рәміздегі дөңгелек пішін әлемнің, космостың белгісі болып табылады, бұл гимназия-мектебінің әлемнің бір бөлшегі екенін көрсетеді, сонымен бірге, дөңгелек-бұл шексіздік және үйлесімділіктің белгісі.Мектеп таңбасының көгілдір түсі мемлекетіміздің елтаңбасының түсімен үйлеседі, мемлекет пен біздің біртұтасты-ғымызды көрсетеді. Таңбаның жоғарғы жағында шаңырақ бейнеленген, оны күннің бейнесі ретінде де түсіндіруге болады. Күннен тараған шуақ – уықтар «күш-білімде» деген жазуы бар даналық кітапты, уақытпен үйлесімділікті көрсететін, «А» әрпімен басталатын кітаптар бумасын нұрландырады. Себебі, бұл әріптен білім әлеміне апаратын ұзақ та, табанды жол басталады.
Мектеп туы
Гимназия туының ақ түсі-оқушылар ұмтылатын адалдық пен жарқын болашақты бейнелейді. Ақ матаның жиегіндегі алтын шашақтар әсемдік пен игілікті көрсетеді. Туда - сары, қызыл, жасыл, көгілдір және көк түсті 5 дөңгелек бейнеленген және солардан тарайтын көлемі 1,5см болатын жолақтар бар. Дөңгелек-космостың, шексіздіктің, шынайылық пен пәктіктің символы. Сары түс-күш пен игіліктің түсі. Қызыл түс- күрес пен табысты, жасыл түс өзіміз тұратын жер мен әлемді бейнелесе, көгілдір түс-біздің арманға талпынысымызды көрсетеді. Мінсіздікке талпынысты көк түстегі дөңгелек білдіреді. Дөңгелектердің саны елдер мен континеттердің достығын көрсететін олимпиалық дөңгелектердің санына сәйкес келеді. Біздің мектепте 26 ұлттың өкілдері оқиды, біз бәріміз достық пен ынтымақта өмір сүрудеміз, соның белгісі ретінде де 5 дөңгелек бейнеленген.
Мектеп әнұраны
Сөзін жазған: Иманбекова Л. Ж
Әнін жазған: Отруцкий Д. В
Мектеп –ұя, ұстаз-дана баптаған,
Армандарға, болашаққа бастаған.
Өзіңнен ұшып шыққан,
Шәкіртпіз білім құшқан,
Сенім менен ел үмітін ақтаған.
Өзіңде өтті көп түлектің көктемі,
Өнер, білім өркен жайып көктеді.
Ұстаздар бақытты ғой,
Дарытқан парасатты ой,
Шуақ шашқан күн нұрындай көктегі.
Мектеп – кеме, білім – теңіз айдыным,
Мәпелеген бүлдіршінін, ай-күнін.
Келешегі кемел болар,
Біз ұрпақпыз бақыт қонар,
Асыратын Отанымның айбынын.