"Менің полицейім"

2023 жылдың 23 қаңтарында Иван Трубицын атындағы N 17 жалпы орта білім беретін мектеп - гимназиясының "Құқықтық тәрбие-құқық бұзушылықтың алдын алу" айлығы аясында  4 "Г" сынып жетекшісі Д.Б.Тогайбекова сыныбымен "Менің полицейім" тақырыбында ашық тәрбие сабақ өткізді. Сабақтың мақсаты: оқушылардың құқықтық сауаттылығын арттырып, Ата заңымызға деген сүйіспеншілігін қалыптастырып, шыншыл да парасатты тұлғаны тәрбиелеу. Сабаққа мектеп инспекторлары Килебаева Гульзағира Бейсенбайқызы мен Исабеков Бектас Қуатұлы қонақ ретінде шақырылды. Сабақ барысында мұғалім  оқушыларға құқық туралы жалпы түсінік беріп өтті. Кері байланыс ретінде оқушылардан өз құқықтары туралы не білетіндерін сұрады. Балалар өз құқықтарын айтып өтті. Жолда жүру ережесіне де тоқтала кетті. Зере,Ыбырай,Нұрзат,Інжу, Ақерке,Асылай сынды оқушылар жол ережесіне байланысты өлеңдер  айтты. Сонымен қатар, мұғалім мектептегі "Бүркіт" отряды - полицияның жас көмекшілерімен таныстырып, олардың атқаратын міндеттеріне де тоқтала кетті. Әр топқа тапсырмалар берілді. 1- ші топқа сұрақ- жауап, 2- ші топқа жағдаяттық тапсырмалар, 3- ші топқа эссе жазу. Топтағы балалар  өзара ақылдасып, бір- бір сөйлемнен жаза отырып, соңында қызықты эссе жазып шықты. Сондай-ақ, сабақ барысында оқушыларды өз міндеттерімен де таныстырып өтті. Сабақтың соңында инспекторларға сөз берілді. Инспекторлар оқушыларға мектеп ішіндегі тәртіп туралы және өз құқықтары мен жолда жүру ережелерін түсіндіріп айтып өтті.