"ПЕДАГОГИКА КАФЕДРАСЫ"

ҚАЗАҚСТАН РЕСПУБЛИКАСЫНЫҢ ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІ,  ҚАЗАҚСТАН РЕСПУБЛИКАСЫНЫҢ ОҚУ-АҒАРТУ МИНИСТРЛІГІ,  АБАЙ АТЫНДАҒЫ ҚАЗАҚ ҰЛТТЫҚ ПЕДАГОГИКАЛЫҚ УНИВЕРСИТЕТІНІҢ "ПЕДАГОГИКА КАФЕДРАСЫ",  АЛМАТЫ ҚАЛАСЫ БІЛІМ БАСҚАРМАСЫ «№ 122 ЖАЛПЫ БІЛІМ БЕРЕТІН МЕКТЕП» КММ , «№ 72 ЖАЛПЫ БІЛІМ БЕРЕТІН МЕКТЕП»  КММ ҒЫЛЫМ ДЕПАРТАМЕНТІ,  АБАЙ АТЫНДАҒЫ ҚАЗАҚ ҰПУ  педагогтер арасында тиімді инновациялық педагогикалық тәжірибемен бөлісу мақсатында Алматы қаласында «Жаһандық ақпараттық білім беру кеңістігі бәсекеге қабілетті ұстаз қолында» атты республикалық ғылыми-тәжірибелік конференциясы  ұйымдастырылған.    Конференция оқу-тәрбие процесінің тиімділігін арттыру үшін педагогтердің жаңа әдістерді меңгеруіне ықпал етуге, озат тәжірибені көрсету үшін жағдай туғызуға, мектеп мұғалімдерінің шығармашылық әлеуетін жүзеге асыруға, кәсіби дамуы мен заманауи әдістемелік идеяларды іздестіруге уәжін қалыптастыруға мүмкіндік береді. Жаһандану үрдісінде бәсекеге қабілетті педагогті қалыптастыру көзделген. Сол конференцияда Иван Трубицын атындағы № 17 жалпы орта білім беретін мектеп-гимназиясының орыс тілі мен әдебиеті пәні мұғалімі Байгашева В.Т. және ағылшын тілі пәнінің мұғалімі Кибраева Н.А. тәжірибелерімен бөлісті.  Баяндамалары жинаққа еніп, сертификатқа ие болды.