"Ай мен Айша"

Иван Трубицын атындағы 17 жалпы орта білім беретін мектеп -  гимназиясында "Оқуға құштар мектеп" жобасы аясында  Шерхан Мұртазаның туғанына 90 жыл толуына орай "Ай мен Айша" кітабы бойынша танымдық іс- шарасы  өтті. Шерхан Мұртазаның  "Ай мен Айша" кітабы-қалың оқырманның сүйікті шығармасына айналған қазына. Бұл роман жазушының өз өмірінен сыр шертеді. Ағынға қарсы жүзе білген Барысхан деген баланың өмірі  және сол балаға өшпестей үміт сыйлап, өмірлік шамшырағы, қайсар қаһарманы болған анасы Айша жайында баяндалған. 10 - сынып оқушысы Совет Елдана шығарма желісі бойынша презентация қорғады.  Сонымен бірге, оқушылар  романдағы аңыз әңгімелер мен ертегілердің, мақал- мәтелдердің  қолданысы туралы айтты. Мұндай іс- шаралар  оқушылардың кітап оқуға  қызығушылықтарын арттырып, рухани дүниесін байытады.