Кездесу

2025 жылдың 18 сәуір күні Иван Трубицын атындағы №17 жалпы орта білім беретін мектеп-гимназиясының «Жұмысшы мамандықтар жылы: кәсіби бағдар – бүгіні мен болашағы» айлығы аясында «Жұмысшы мамандық иесі» атты тақырыбында кездесу өткізілді. Кездесуге ауданымыздың жеке кәсіпкерлері, аудандық депутат – Сейсенбаев Нурлан Еренсізұлы, Өркен балалар шығармашылык орталығының «Жас бағбаншы» үйірме жетекшісі – Мамедов Вадим Якоблевич пен №16 жалпы орта білім беретін мектебінің Көркем еңбек пәні мұғалімі –Жумалиева Нуржамал Табылдыевна қонақтар қатарында болды. Кездесуді 6 сынып білім алушылары «Қос жүйрік – жүйрікке сын болмас» атты әнімен ашса, ары қарай кәсіпкерлер өз жұмыстары туралы, қалай бастағандары жайында әңгіме өрбіді,  және де оқушылар тарапынан сұрақтар қойылып, сұрақтарына нақты жауаптарын алды. Мектебіміздің 7 сынып білім алушысы Құдайберген Санжардың «Адай» күйімен жалғасып, мектеп директорының оқу ісі жөніндегі орынбасары Жанбабаева Гульмира Бектурғанқызы сөз алып, қонақтарға алғысын білдіріп, толағай табыс тіледі.