"Дәуірдің дара тұлғасы"

Мектепішілік  жоспарға  сай  желтоқсан  айында   бастауыш  сынып  әдістемелік  бірлестігінің  айлығы  өтіп  жатыр. Айлық  жоспарына  сай  желтоқсан  айының  14 күні  Турашева Айман Сәттерқызы өзі жетекшілік ететін 2 "А"  сыныбымен  өзінің  еліне  адал  қызмет  етіп, ағартушылық  іс-әрекеттерді  атқара  отыра  ұлтының  тарихы  мен  ежелден  бергі  қазақ   мәдениетінің  арнасын  бүгінге  мұрағат  етіп қалдырған ұлт ұстазы Ахмет  Байтұрсынұлының 150 жылдық  мерейтойына  орай     "Дәуірдің  дара  тұлғасы"  атты  әдеби-сазды  кеш  өтті. "Жақсының  аты  өшпейді"  демекші,  оқушылар  Ахмет Байтұрсыновтың өлеңдерін, мысалдарын  жатқа   мәнерлеп  оқыды. Әдеби-сазды  кеште  оқушылар  қазақ  тілінде  әндер  шырқап, би  биледі. Сонымен  бірге  "Ахмет  Байтұрсынұлы. Ұлт  ұстазы"  тақырыбындағы  телеарналарда  болып  жатқан фильмнен  үзінділер  көрсетті. Кеште  оқушылар  Ахмет  Байтұрсынұлы  туралы  көптеген  тың  деректер  айтты. Білім  кілті  - ұлағат  иелерінің  кең  пейілді  жарқын  бейнесі  мен  білімдарлығы  арқылы  шәкірт  санасында  қалары  сөзсіз. Осы тұста Айман Сәттерқызының үздіксіз білім мен тәрбие берудегі шеберлігі   тайға таңба басқандай  көрініп тұрды. Сондықтан  да  ұлт  ұстазы  Ахмет  атамыз  секілді  тұлғаларды  өнеге  ретінде  қарап, олардың  жолдарын  жалғастыратын  бірден  бір адам -  ол аяулы  ұстаздары.